عجبى عليك يا زمن الانسان يتهان امام اعز الناس امس كنت ماشى انا وحبيبتى فى شارع رمسيس وشويه وشوفت انسان عادى بيضرب انسان عادى لكن إلا مش عادى ان الانسان الثانى إلى بيضرب كان امين شرطه من قسم الازبكيه من مباحث القسم وفانتبهت له وذهبت اتساءل واقول فى ايه قال لى انتا مين قلت له انتا مين وبتضربه ليه قال لى مباحث القسم قلت له ايه ياعنى هو ربنا فوق وانتا تحت قال لى بلاش تدخلنى فى الدين ونظر للشخص الثانى ونزل ضرب وشتيمه من اكظر الشتائم مسكت ايده وقلت له متضربوش المهم قال بعد اذنك واخذ الولد ومشى فذهبت وراءه فهمت انه الولد كان جالس بمنتهى الاحترام مع واحده حبيبته وداخل عليه امين الشرطه وقال له بطاقتك قال له كرنيهك ومن هنا ابتدى ان امين الشرطه يتطاول على الانسان البيسط وكل تهمته ان بيحب فى الشارع وامام الناس وباحترام والتهمه الثانيه انه قال لامين الشرطه كرنيهك المهم قلت لامين الشرطه من فضلك سيبه لانى مش هسيبه واعرف كده كويس واخذت على جنب وابتديت اتكلم معه بهدوء وعرفته بنفسى وابتدينا الحديث بهدؤ وقال ماشى والله ما يلزمنى لكن قليل الادب الله قليل الادب علشان قال كرنيهك لا حلو الله يا رب مطلوب منه يقول حاضر ونعم وتحت امرك والكلام ده طيب يا بلد طيب خلاص الموضوع بعد اهانه الشاب امام حبيبته يعنى كده خلاص مايبقاش الحب فى الشارع ويبقى فى البيوت حتى يدخلو علينا فى البيوت ويقولو مفيش حب يا جدعان مفيش حب